Santiago destinará 230.000 euros a renovar 14 puntos da cidade
O proxecto será executado pola empresa Inside The Team, unha compañía de edificación con sede en Compostela, e inclúe medidas como pasos de peóns elevados, mellora de beirarrúas e instalación de pendentes adaptadas para persoas con mobilidade reducida. Obras en puntos clave da cidadeRaxoi detallou que a empresa adxudicataria presentou a oferta económica máis vantaxosa e, ademais, comprometeuse a "ampliar o prazo de garantía en cinco anos, reforzar o control da calidade e aumentar as medidas de control ambiental". As actuacións inclúen a mellora da accesibilidade en puntos estratéxicos como: O paso de peóns na rúa do Río, xunto ao cruzamento coa rúa do Lavadoiro.O paso de peóns na rúa do Lavadoiro xunto á escola infantil municipal de Meixonfrío.O cruzamento da rúa do Avío na rotonda superior da rúa.O paso de peóns na rúa do Avío.O cruzamento da rúa dos Irmandiños.O paso de peóns e a praza do aparcamento na rúa dos Xasmíns, no cruzamento coa ruela da Estila.O cruzamento da rúa de Betanzos e da rúa Proxecto Vagalume, no acceso ao CEIP Apóstol Santiago.O paso de peóns en rúa de Betanzos, xunto ao camiño peonil cara a rúa de Tomiño.O cruzamento da avenida Quiroga Palacios coa Costa do Vedor.O cruzamento en rúa Gómez Ulla coa rúa do Hórreo.O paso de peóns na rúa do Outeiro do Sar, no cruzamento coa rúa de Dublín.O paso de peóns na rúa de Dublín xunto á costa do Vieiro.O ámbito de acceso ao Centro Comercial Área Central na rúa de Berlín e na rúa de Varsovia. Exterior de Área Central Estas obras están aliñadas co Plan de Accesibilidade Universal de Santiago e teñen como obxectivo principal crear itinerarios peonís seguros e accesibles.